Penarie

Liewe Dr Roof

Ek sit in ‘n penarie. Daar is ‘n seker meisie waarvan ek baie hou. Ek hou baie daarvan om haar te sien. Om die waarheid te sê, ek kry nie genoeg van haar nie. Dis egter nie die penarie nie.

Ons het ‘n tydjie terug besluit om een dag, die hele dag, saam te spandeer en ‘n koumoviethon the hou. Dis ‘n dag van net eet en movie, nog eet, weer movie, nog eet en weer ‘n keer movie. Die idee was NIE om daarna huis toe te gaan, jou oë met melk uit te spoel om die skeelheid te herstel, en dan te kots van al die eet nie. Nee. Die idee was om lekker te relax en tyd saam met mekaar te spandeer. Maar dis ook nie die penarie nie.

Die ding is, ek gaan dalk nie my deel van die deal kan nakom nie. Beide van ons is reeds baie besig, en saamkuier ly partykeer daar onder. Ek is besig om te swot deur Unisa. Om eksamen toelating te kry, beteken dit dat ek verskeie take deur die jaar moet inhandig. En te kort voor die tyd het ek besef dat ek in ‘n spasie van drie dae drie take moet inhandig. Ek werk soms aan die goed in die week, maar die aande raak partykeer kort en dan misbruik ek naweke. En dit val oor die koumoviethon dag! Ek sal miskien die naweek moet werk!

Ek het dit met haar bespreek, en om verskoning gevra, en sy het gesê dis fine. Maar ek weet nou al, as sy die woord “fine” gebruik, beteken dit eintlik “ja ok, dis nou maar hoe dit is, maar boetie, as die geleentheid hom voordoen, gaan jy kak!”

En dis my penarie. Ek het reeds verlede jaar my studies opgeskop, om ander redes wat ek nie nou wil bespreek nie, en ek het net nie by dit uitgekom het nie. Ek wil nie hierdie jaar dieselfde doen nie. Aan die een kant voel ek moer sleg omdat ek haar drop, en aan die ander kant kan ek nie anders nie.

Wat moet ek maak? Want ek dink sy is baie teleurgesteld.

Anonieme Ek

Liewe Anonieme Ek

Ai tog. Jy klink vir my soos ‘n tipiese loser. Maar kom ek probeer bietjie help.

Hipotese 1 – Jy soek net sex by haar.

Niks vir jou vir ‘n lang tyd nie!

Oplossing: Koop 12 pakkies Rolos. Gee elke keer vir haar die laaste een. Miskien, as jy gelukkig is, sal jy by die twaalfde Rolo vergewe word, en mag jy weer aan haar been vat. Maar wees maar voorbereid op ‘n droë seisoen wat onbepaald mag duur.

Hipotese 2 – Jy soek haar geld.

Jy gaan arm wees vir ‘n tyd gelykstaande om witmelk in bloukaas te verander. Die beste blou kaas is dié waarop hulle afkom as hulle fossiele op grou.

Oplossing: Speel die lotto!

Hipotese 3 – Jy soek haar boetie se geld.

Boetman. Jy soek vir kak.

Oplossing: Hou op kak soek.

Hipotese 4 – Jy hou regtig van haar

Opsomming: Jy het kak aangejaag!

Redes: Soos dit vir my klink is sy ook baie besig. Sy beplan haar dinge rondom die dag. Sy skuif ander dinge uit net om die dag saam met jou te spandeer. Hoekom kon jy nie dieselfde doen nie?

Oplossing: Kry jou dinge agter mekaar. Doen so bietjie beplanning! My moer boetie, is dit so moeilik om dagboek te hou en ‘n skedule op te trek? Of is jy stupid? Dit vat nie so baie inspanning om een uur te spandeer om te kyk wanneer jy wat moet doen nie. Op daardie manier sal jy lank voor die tyd weet of jy iets kan doen oor ‘n naweek of nie. Of is jy die tipe ou wat ‘n week voor die tyd besef dat jy 4 weke se werk afgeskeep het en dit nou moet inhaal? As ek jy was, sou ek my kop in skaamte laat sak. Want as dit weer gebeur sal jy ge”label” word as iemand wat nie bedoel wat jy sê nie.

Jy sal moet opmaak met 33 bosse blomme, 19 bokse sjokolade, 47 ontbyte, 23 aandetes en 83 massages. Daarna sal jy alles moet doen wat sy sê. Ek wou voorstel dat jy haar tone manicure, maar daar gaan jy heelwaarskynlik ook kak aanjaag. Vryf eerder net haar voete.

Ek hoop jy luister na my raad. Moet my nie weer pla nie. Ek soek stories van skoolkinders wat pregnant is of gay seuntjies wat gemoer was.

Groete

Dr Roof

3 Responses to Penarie

  1. DML sê:

    Ag hierdie bieg sessies op die net is darem maar te mooi.

  2. Roer sê:

    😆 Goeie een Louwtjie/Bamboes.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s