Frikkie by die bank

Oktober 21, 2010

‘n Ma neem vir vyf-jaar-oue Frikkie saam bank toe.

Hulle staan agter ‘n gesette vrou, deftig aangetrek. Na ‘n rukkie se geduldige wag sê Frikkie: ‘Sjoe, sy is vet!’

Die ma buig en fluister in die seuntjie se oor om nie so lelik te praat van die tannie nie, en stil te bly.

‘n Paar minute gaan verby en Frikkie strek sy arms uit so wyd as hy kan en sê: ‘Haar boude is so breed!’ Die vet vrou draai om en gluur na Frikkie.

Die ma fluister-raas kwaai in sy oor, dreig hom en sê aan hom om stil te bly. Na ‘n rukkie kom die groot dame voor in die tou. Op dieselfde oomblik maak haar selfoon ‘biep, biep, biep’.

Frikkie skreeu: ‘Gee pad, sy gaan reverse!!’


Klein Frikkie

Oktober 19, 2010

Klein Frikkie, sewe, vra sy ma een middag na skool: ‘Kan ek en ma bietjie man en vrou speel?’

Sy vind die voorstel half vreemd, maar besluit om saam te speel.

‘Ou vrou,’ se Frikkie terwyl hy sy skool das afhaal en op die rusbank neergooi nes sy pa altyd maak,’ek het ‘n harde dag gehad. Skink daar vir my ‘n lekker dop.’ Frikkie plak homself voor die tievie neer met sy voete op die koffie tafel, en ma gooi vir hom ‘n lang glas Oros.

Na ‘n ruk sê Frikkie, ‘Ou vrou, skep daar vir my ‘ lekker bord kos, man..’
Ma bedien vir Frikkie ‘n lekker kaas en tamatie snackwich. Hy eet himself trommeldik, vat aan sy maag, los ‘n vet burp nes sy pa altyd maak en sê:

‘Ou vrou, trek uit jou klere dan gaan lê ons so bietjie skuins man.’

‘Wat?!’, vra die ma geskok.

Jy’t gehoor wat ek sê:’ kom dit van Frikkie, ‘trek uit, dan loop lê ons so bietjie op die bed.’

Sy ma is hoogs onsteld, stop die speletjie summier, gryp vir Frikkie aan die oor en lei hom die gang af tot in sy kamer:

‘Nou doen jy jou huiswerk en ek wil nooit weer sulke goed uit jou mond hoor nie, het jy my gehoor?’

Baie bekommerd vertel sy daai aand die storie vir Frikkie se pa. ‘Aag ou vrou, ‘sê hy: ‘dis maar net ‘n speletjie, man. Ek sal niks ernstigs daarin lees nie.’

So twee dae later kom Frikkie van die skool af met dieselfde storie, en sy ma besluit sy speel enduit saam, want die ding puzzle haar vreeslik.

Dis weer ‘n dop wat geskink word, nog ‘n snackwich, en toe kom die skuins lê storie weer.

Sy gaan toe maar badkamer toe, trek uit, en trek haar japon aan. Sy vind Frikkie op die dubbelbed net in sy onderbroek met haar man se leesbril op sy neus besig om die koerant te lees, presies soos sy pa altyd maak.

Sy’s nou diep bekommerd, maar gaan lê toe maar hier eenkant op die bed.

Na ‘n rukkie sit Frikkie die koerant neer en haal die bril van sy oë af.

Die ma dink, ‘ wat nou?’

Frikkie skuif nader.

Sy dink,’WAT NOU?’

Frikkie sit sy hand om haar lyf en fluister sexy saggies in haar oor:

‘Ou vrou, dink jy nie dis tyd dat ons vir Frikkie ‘n nuwe BMX koop nie?’


Kinder snot

Oktober 20, 2008

‘n Seuntjie ry saam met sy ma in die kar.
Hy krap in sy neus en trek ‘n stuk nollie uit.
Sy ma kyk en vra: “En nou? Wat gaan jy met dit doen?”
Seuntjie: “Nee ek weet nie – ons mag MOS nie in die kar eet nie..”

Wie is Baas en wie is Klaas?

Augustus 21, 2008
Baas en Klaas

Gatiep, Meraai en Wonderwerke

Julie 28, 2008

Al ooit gewonder hoe lyk Gatiep en Meraai?

Gatiep en Meraai

Gatiep en Meraai

Gatiep vertel vir die dominee…

Jy wiet, ek en die oubaas daar bo is tight.

Hy wiet ek kannie in die aand sien nie, so as ek in die aand opstaan en ek
gaan toilet toe, daai gaan die lig sommer vanself aan, as ek wegstap, dan
gaan hy sommer vanself weer af ook.

Die dominee kan dit skaars glo en vra later vir Meraai of sy enige iets van
die wonderwerke weet.

Meraai: Watter wonderwerke?

Dominee: Nee sien, Gatiep vertel my dat die lig sommer vanself aangaan as hy
toilet toe gaan en as hy uitkom gaan dit sommer weer vanself af.

Meraai: Ai jirre,het hy alweer in die yskas gepee ?!!!


Aan die moeder in ons huis

Mei 6, 2008

Wat my ma my geleer het

Ma het my geleer hoe om te bid:

Elke aand, nadat sy my in die bed gesit het, het sy gesê:
“Dankie Here hy is in die bed”
“Jy moet bid dat daardie kol op die mat uit is as ek vanaand by die huis kom”

Sy het my geleer van “time travel”:

Ek sal jou tot in volgende week in klap!

Sy het my geleer pa’s is slimmer en ryker as ma’s:

Gaan vra jou pa!

Sy het my geleer oor fotosintese:

Lyk dit vir jou of geld op my rug groei?

Sy het my geleer om altyd nederig en Klein te wees:

Mannetjie !!!

Sy het my van die weer geleer:

Dit lyk of ‘n dekselse orkaan jou kamer getref het

Sy het my geleer van fauna en flora:

Moenie vir my vertel pêrredrolle is vye nie!

Sy het my geleer om myself te ontdek:

Hou op om jou soos jou pa te gedra!

Sy het my die wetenskap van osmose geleer:

Hou jou mond en eet jou kos!

Sy het my geleer van uithouvermoë:

Jy sal by daardie tafel sit totdat jy jou spinasie opgeeet het!

Sy het my geleer van sintuie:

Kinners word gesien en nie gehoor nie!

Sy het my geleer van humor:

Hou aan lag, Dan gee ek jou iets om oor te huil ook!

Sy het my van jaloesie geleer:

Daar is duisende arm kinnertjies wat ouers soos joune begeer!

Sy het geleer dat daar ‘n plek en ‘n tyd vir alles is:

As julle mekaar wil vermoor, gaan doen dit buite! Ek’t nounet hier skoongemaak!

Sy het my wiskunde geleer:

Sit jy alweer en tanne Tel!

Sy het my logika geleer:

Want ek sê so, dis hoekom!

Sy het my geleer dat wonderwerke nog kan gebeur:

Ek sal jou klap dat jy jou antie vir ‘n eendvoël aansien as jy my weer terug antwoord!


Mugabe

April 22, 2008

Mugabe skop die emmer en gaan hemel toe. Daar aangekom hoor hy by St. Peter dat sy naam nie op die lys is nie en hy hoort nie in die hemel nie. Hy hoort in die hel.

So gesê so gedaan, en die duiwel gee vir Mugabe ‘n hartlike verwelkoming. Maar toe kom Mugabe agter dat hy sy bagasie in die hemel vergeet het. “Geen probleem nie!” sê die duiwel. “Ek stuur sommer ‘n paar duiweltjies om jou bagasie te gaan haal.”

Toe die klein duiweltjies by die hemel opdaag, is die hekke gesluit. St. Peter is op lunch-break. Uiteindelik kom een van die duiweltjies met ‘n plan vorendag. Hulle sal mekaar oor die muur moet help om die bagasie te kry.

Terwyl hulle besig is om oor te klim, sien twee engeltjies hulle, en die een sê vir die ander. “My magtig! Mugabe is skaar 10 minutes in die hel, en daar is alreeds vlugtelinge!”


Follow

Get every new post delivered to your Inbox.