Ek vermoed, met die nuwe skool kurrikulum, het daar ‘n paar misverstande in die gebruik van Afrikaanse idiome ontstaan. Geen wonder ons skole is besig om so agteruit te gaan nie.
- Buig die boompie terwyl hy nog jonk is.
is nie dieselfde as
Rook die boompie terwyl hy nog jonk is.
- Lont ruik – Is figuurlik, en nie letterlik nie!
- Hy dink hy’s kaas – en – Hy dink hy’s Maas –Alhoewel dieselfde betekenis, is die tweede een (nog) nie ‘n erkende idioom nie.
- Die hef in die hande hê – Het geen seksuele konnotasies nie!
Louw de Twak
Hehe, ek vermoed ‘n paar het vasgesteek by daai boompie…
Ha haha!
Ek het in st4 pak gekry oor ‘n soortgelyke misverstand…
Ons moet ‘n prent maak wat ‘n Afrikaanse gesegde / idioom uitbeeld.
Ek teken toe ‘n mannetjie, redelik groen in die gesig en vooroor gebuk oor ‘n emmer met ‘n stuk tou wat uit sy mond tot in die emmer loop…
Nodeloos om te sê, my interpretasie van “tou opgooi” het die onnie nie juis “impress” nie…
duskant: As ek ‘n onnie was, sou jy ten minste punte kry vir oorspronklikheid…
Met die nuwe petrolpryse en kospryse, sal hulle heel waarskynlik
“Hunker na die vleispotte van Egipte”
moet verander na
“Hunker na enige vleispotte”
Kinders was nog kinders toe ons kinders was!!
Ja, sommige kindertjies word so ‘baie’ geleer dat hulle so min van iets sal weet as ’n kat van saffraan as ons nie ingryp nie. Wat hulle wel van ‘idiome’ geleer word is heel moontlik iets soos om iemand kaal uit te trek, maar laat ek nou nie olie op die vuur gooi nie.
Ja nee, die ware Jacob. Hulle giggel seker vir “Hoe kaler jonker hoe groter pronker”. En so loop ons die kreeftegang so reg in die leeu se bek in…
Hehe!!! Dankie virrie smile!!!
Oi, en waar sal ‘spyker in die doodskis’ geklassifiseer word???
mmm…gee nuwe betekenis aan ‘lekker is net ‘n vinger lank’….oops!
en ons minister van gesondheid dink natuurlik “die kool is die sous nie werd nie.”